Het hoogelaand

Het is de lucht achter Oethoezen
Het is t torentje van Spiek
Het is de weg van Lains noar Klooster
En deur Westpolder langs de diek

Het binnen de meulens en de moaren
Het binnen de kerken en de börgen
Het is t laand woar ik as kind
Nog niks begreep van pien of zörgen

Dat is mien laand, mien Hoogelaand

Het is de lucht achter Oethoezen
Het is t torentje van Spiek
Het is de weg van Lains noar Klooster
En deur Westpolder langs de diek

Het binnen de meulens, binnen de moaren
Het binnen de kerken en de börgen
Het is t laand woar ik as kind
Nog niks begreep van pien of zörgen

Het binnen de meulens, het binnen de börgen

Het is n doevetil in dörpstroat
Het is n olle bakkerij
Het binnen de grote boerenploatsen
Van Waarvum, Oskerd, zo noar Meij

Het is de waait, het is de hoaver
Het is t koolzoad in de blui
Het is de horizon bie Roanum
Vlak noa n dönnerbui

Dat is mien laand, mien Hoogelaand

Het is n mooie oavend in maai
n Kou houst doeknekt in t gruinlaand
Ik heb veur d'eerste moal verkeren
En vuil de vonken van dien haand
De wilde plannen dij ik haar
Komt sikkom niks meer van terecht
Totdat de nacht van t Hoogelaand
n Donker klaid over ons legt
Dat is mien laand, mien Hoogelaand

Hoogelaand Speik torentje

• 1
• 2
• 3
• 4
• 5

4.0 met 3 stemmen 2.296