Krummels

In mien pyama zat ik bie te kommen,
en wat ik doun mout vandoage op te sommen.
Ik mag noatuurlek niks vergeten,
mor eerst n poar koppies thee en wat te eten.

Twij kwassantjes heb ik had,
meelkoekies, n stuk of wat,
ain beschuut mit sjèm, hm lekker
plus nog ain volkorenkrekker.

En toun ik wol goan stoan
kwammen de krummels overaal vandoan.
Ut mien snorre en mien kruus,
rond mien navvel en deur t haalve huus.

Tussen de tonen en op mien stoule,
man man, wat ain boudel.
Dat har ik ja noeit en te nimmer docht,
gelokkeg har k mie net ain krummeldaiffie kocht!

... Onze inzender van netgedichten Ids Vlieg behaalde met dit gedicht de eerste prijs bij de Provinciale Groninger Schrijfwedstrijd 2018. Jurycommentaar: een goed gedicht hoeft niet altijd zwaar op de hand te zijn! ...

Schrijver: Ids Vlieg
Inzender: Redactie, 29 april 2018

infogedichten.nl

Biografie van deze schrijver

krummels kwassantje boudel

• 1
• 2
• 3
• 4
• 5

4.3 met 7 stemmen 3.703